უცოდველი მხოლოდ ღმერთია... ჩვენ, ყველანი მეტნაკლებად ცოდვილნი ვართ. მთავარი არ არის ვინ არის ჩვენს შორის მეტად ცოდვილი. მთავარია, რომ ჩვენ არ გვინდოდეს ცუდის გაკეთება. მთავარია, როგორ მიისწრაფის ადამიანი კარგის კეთებისაკენ.
ყოველი ადამიანი თქვენი მასწავლებელია,-ამბობენ წმინდა მამები. არ უნდა დავყოთ ადამიანები კეთილებად და ბოროტებად. ღმერთი არ ყოფს მათ. ვთქვათ შეიკრიბა სამი ადამიანი, რომელთაგან ერთი კარგია, მეორე ცუდი, ხოლო მესამე თქვენ ხართ. დაე კარგი მისაბაძი იყოს თქვენთვის, ცუდი იყოს იმის მაგალითი, როგორ არ უნდა მოიქცე. მაგრამ ნუ განიკითხავ მათ.
"ჩვენ არ უნდა ვიფიქროთ იმაზე,როგორები ვიყავით გუშინ,ან როგორები ვიქნებით ხვალ,რადგან დროის მეუფე მხოლოდ ღმერთია,არც "ხვალეზე" და არც "გუშინზე" არანაირი ძალაუფლება არ გვაქვს.ჩვენთვის,უბრალო მოკვდავთათვის,დროსთან მიმართებით არსებობს ერთადერთი ძალაუფლება, რომელიც მხოლოდ ჩვენს წარსულს ეხება და ეს ძალაუფლება არის, აღსარების მეშვეობით წარსულის წაშლა".(მამა გიორგი)
"ადამიანი არ არის დამოუკიდებელი არსება. მას არ შეუძლია არსებობა ღმერთის გარეშე. ისევე როგორც ხეს არ შეუძლია წყლის გარეშე არსებობა, გახმება და მოსაჭრელი გახდება რადგან ვერ გამოიღებს ნაყოფს.ასევეა ადამიანიც...მადლს მოკლებული სული ექვემდებარება კვდომას"
"ადამიანის ცხოვრება ღმერთის ძიების პროცესია.ამ გზაზე ადამიანი ზოგჯერ უახლოვდება ღმერთს, ზოგჯერ შორდება.ადამიანი ცდილობს, დაინახოს ღმერთი,შეიგრძნოს მისი არსებობა, მაგრამ ურწმუნოების გამო ზოგჯერ ვერ ახერხებს ამას.ჩვენ არ უნდა ვცდილობდეთ ზედმეტად ჩავიხედოთ უფლის საიდუმლოებებში.უბრალოდ უნდა ვირწმუნოთ, რადგან უფალი ცხოვნებას და ნეტარებას მხოლოდ იმას ჰპირდება, ვინც მას უხილავად ირწმუნებს".(დეკანოზი-გიორგი სხირტლაძე)
"რაოდენ დაბრმავებულია ადამიანის თვალი,რომელიც ვერ ხედავს ქრისტეს.უფალი ყველგან არის.როდესაც მზე ანათებს,აღარ არის საჭირო ჩირაღდნები...ბრმას ვერ დააჯერებ,რომ მზე არსებობს,რადგან იგი ვერ ხედავს მზეს,თუმცა კი მის სითბოს გრძნობს.ურწმუნო ადამიანიც ბრმას ემსგავსება.ადამიანმა ღმერთი უნდა ეძიოს,უპერველეს ყოვლისა საკუთარ თავში..."(მამა გიორგი)
იტვირთება...
შესვლა საიტზე