იტვირთება...
| მთავარი » სტატიები » გამონათქვამები |
ყოველი ადამიანი თქვენი მასწავლებელია,-ამბობენ წმინდა მამები. არ უნდა დავყოთ ადამიანები კეთილებად და ბოროტებად. ღმერთი არ ყოფს მათ. ვთქვათ შეიკრიბა სამი ადამიანი, რომელთაგან ერთი კარგია, მეორე ცუდი, ხოლო მესამე თქვენ ხართ. დაე კარგი მისაბაძი იყოს თქვენთვის, ცუდი იყოს იმის მაგალითი, როგორ არ უნდა მოიქცე. მაგრამ ნუ განიკითხავ მათ. რა თქმა უნდა ბევრ რამეს ვსწავლობთ, მასწავლებლებისაგან, წიგნებიდან, მაგრამ ადამიანებთან ურთიერთობით ყველაზე დიდ ცოდნას ვიღებთ. კაცობრიობა სხვა არაფერია თუ არა ურთიერთობა ადამიანებს შორის. საუბარია ქრისტესმიერ კაცობრიობაზე. ჩვენ მოძღვრები, ყველაზე მეტს ჩვენი მოწაფეებისგან ვსწავლობთ, მრევლისგან, ჩვენი სულიერი შვილებისგან. ხშირად ჩემს ნაკლოვანებებს მრევლის თვალებით ვხედავ... მიხარია, როცა ისინი ზუსტად იმას მირჩევენ, რაც მე ყველაზე მეტად მჭირდება. თურმე, საჭიროა სწორედ ისე მოვიქცე, როგორც ისინი მეუბნებიან. ზოგჯერ მრევლიც ამცნობს მოძღვარს ღვთის ნებას. ღმერთი ზომიერების დარღვევას არ დაუშვებს, მოძღვარსაც და მრევლსაც თავისი ადგილი აქვს. მოძღვრის მეშვეობით ადამიანები ღვთის სიტყვას შეიმეცნებენ. სწორედ მოძღვარი აძლევს ადამიანს ღმერთთან ცოცხალი კავშირის დამყარების საშუალებას. | |
| კატეგორია: გამონათქვამები | დაამატა: mamao (2011-12-19) | ავტორი: მამა გიორგი სხირტლაძე | |
| ნანახია: 1205 | |
შესვლა საიტზე