იტვირთება...
| მთავარი » სტატიები » სტატიები |
| მფარველი წმინდანის შესახებ
ქრისტიანებისთვის არსებობს ლოცვა მფარველი წმინდანის მიმართ, რომელიც ყოველდღიურად უნდა იქნეს წაკითხული. ვინ ითვლება ასეთ წმინდანად? ამ კითხვით წმ. იოანე ღვთისმეტყველის სახელობის ეკლესიის დეკანოზს, მამა გიორგი სხირტლაძეს მივმართეთ.
– დილის ლოცვებში მითითებულია, რომ ქრისტიანმა უნდა ილოცოს მფარველი წმიდანის მიმართ. როგორ უნდა გავიგოთ, ვინ არის ჩვენი მფარველი წმიდანი? – მართლმადიდებელი ეკლესია ყოველდღიურად რამდენიმე წმინდანის ხსენებას აღნიშნავს. საუკუნეების განმავლობაში ტრადიციულად ასე ხდებოდა: როდესაც ბავშვს ნათლავდნენ, მას იმ წმიდანის სახელს არქმევდნენ, ვისი ხსენებაც იმ დღეს აღინიშნებოდა. ზოგჯერ ისეც ხდებოდა, რომ რომელიმე დიდი წმიდანის პატივსაცემად ჩვილს მის სახელს არქმევდნენ. მაგალითად, დავით გარეჯელის შეწევნით დაბადებულ შვილებს მშობლები დავითს არქმევდნენ... როდესაც წმიდა ნიკოლოზის, სხვა დიდი მამების შემწეობით ამა თუ იმ ოჯახში დიდი სასწაულები ხდებოდა, მადლიერებას გამოხატავდნენ იმით, რომ ჩვილს ამ წმიდანების სახელებს არქმევდნენ. თუ ადამიანს ჰქვია ერთი რომელიმე წმიდანის სახელი, მაგრამ ამავე დროს სხვა წმიდანის შემწეობასაც გრძნობს ან თვითონ აქვს მის მიმართ სასოება, დილის ლოცვების წარმოთქმისას მას შეუძლია მფარველი წმინდანის გარდა, მისი სახელიც მოიხსენიოს. ანა ნოდია | |
| კატეგორია: სტატიები | დაამატა: mamao (2012-02-06) | ავტორი: მამა გიორგი სხირტლაძე | |
| ნანახია: 997 | |
შესვლა საიტზე