იტვირთება...
| მთავარი » სტატიები » სტატიები |
ეკუმენიზმი – მსოფლიო რელიგია, რომელიც ანტიქრისტეს ტახტს უმზადებს თანამედროვე მსოფლიოში გავრცელებულია მიმდინარეობა ეკუმენიზმი, რომელიც მართლმადიდებელი ეკლესიისთვის მიუღებელია. ჩვენი კითხვებიც მოძღვართან სწორედ ამ თემას შეეხება. ვისაუბრებთ იმაზეც, როგორ მზადდება ტახტი ანტიქრისტეს მოსვლისათვის. განმარტებებს ამ საკითხებზე, ტრადიციულად, წმინდა იოანე ღვთისმეტყველის სახელობის ტაძრის დეკანოზი, მამა გიორგი (სხირტლაძე) გვაძლევს.
– მამაო, რას ნიშნავს ეკუმენიზმი და რატომ არ არის მართლმადიდებელი ეკლესია ტოლერანტული მის მიმართ? – საერთოდ სიტყვა "ეკუმენიზმი" უარყოფით დატვირთვას ატარებს მართლმადიდებლურ მსოფლმხედველობაში. რა არის ეკუმენიზმი და რატომ არ არის შემწყნარებელი ეკლესია მის მიმართ? იმიტომ, რომ იოანე ღვთისმეტყველის გამოცხადებაში ანტიქრისტეს მოსვლის წინა პერიოდი იგულისხმება, როგორც გაერთიანება მსოფლიო რელიგიებისა, გაერთიანება მსოფლიო სახელმწიფოებისა ანტიქრისტეს, ერთი უფროსის, ერთი მთავრის მოლოდინში. ამიტომ, წინა პერიოდი ანტიქრისტესი არის გაერთიანება. უკევ გაერთიანდა ევროპა, ერთიანდება ევროპარლამენტი, ხდება ერთი ძალის სახელმწიფო სტრუქტურა. ერთიანდება ვალუტა, ფულის ერთეული. ადამიანი იცვლება კოსმოპოლიტად, ანუ ეკუმენისტად, რადგან სულიერი კოსმოპოლიტიზმი, ცუდი გაგებით, არის ეკუმენიზმი, ანუ ქრისტეს მიერ გაღებული მსხვერპლის უგულებელყოფა და ყველა რელიგიის ერთმანეთთან გატოლება. ეკუმენიზმი – ეს არის ის სულიერი პროსტიტუცია და უგულებელყოფა ქრისტეს სისხლისა და ხორცისა, რომლითაც ჩვენ გამოხსნილები ვართ. საეკლესიო დოგმატიკა ეკუმენიზმს განიხილავს, როგორც ერთ–ერთ მძიმე ერესს. არათუ ერესს, არამედ საერთოდ ღვთისაგან განდგომილებასა და მკრეხელობას. ამიტომ, ეკლესიურად, ეკუმენიზმი განიხილება, როგორც ანტიქრისტეს წინამორბედი რელიგია, როგორც ოკულტიზმის ერთ–ერთი გამოვლინება. ეკუმენიზმი სხვა არაფერია, თუ არა ანტიქრისტეს რელიგია, ოკულტური თაყვანისცემა გაურკვეველი აბსოლუტისა, რომლის თაყვანისცემა დადის ბოროტის თაყვანისცემამდე. ოკულტური რელიგიის საფუძველი უკვე ჩაყრილია. ეს არის ის მასონურ–სიონისტური შეთქმულების ერთ–ერთი მხარე, რომელიც უგულებელყოფს ქრისტეს ღვაწლს და აიგივებს ქრისტეს ბუდასთან, ბუდას – ზოროასტრთან, ზოროასტრს – კონფუცისთან, ლაოძისთან, მაჰავერთან და ასე შემდეგ, ანუ ყველა რელიგიას ტოლფასს ხდის. ამიტომ ეკლესია არავითარ შემთხვევაში არ უშვებს აღრევას და გაუბრალოებას. ეს ადამიანები ცდილობენ, რომ მოიყვანონ ის დრო, როცა მაღაზიაში შევალთ ბიბლიის საყიდლად და გვეტყვიან, რომ ბიბლია აღარ იყიდება, რადგანაც მოთხოვნილება აღარ არის. შევიდეთ ეკლესიებში და მღვდელი ვეღარ ვნახოთ. ღვთივგამოცხადებული რელიგია შეუძლებელია გაიგივებული იყოს სხვა არაღვთივგამოცხადებულ, წარმართულ, პოლითეისტურ მაგიურ რელიგიებთან ან კერპთაყვანისმცემლობის ფორმებთან. ამიტომ ეკუმენიზმი არ არის კურთხეული მართლმადიდებელი ეკლესიის მიერ. – ანუ ეკუმენიზმი საბოლოოდ გულისხმობს მსოფლიოში ყველა რელიგიის ერთ რელიგიამდე დაყვანას? – ეკუმენიზმი გულისხმობს ყველა რელიგიის ერთმანეთთან გაიგივებას, ჯამში, გულისხმობს ერთი საწყისისადმი თაყვანისცემას. გულისხმობს მოლოდინს ახალი მესიისადმი, რომელიც მასონურ ტრადიციაში ქრისტეს მტრად, ანუ ანტიქრისტედ არის ცნობილი. ებრაელები, რომელთაც არ მიიღეს ქრისტე, ელიან მსოფლიო რელიგიების ბელადს, ეს იქნება მსოფლიო რელიგიის გაიგივების შემთხვევაში პატრიარქი–ანტიქრისტე. ეს როდის მოხდება, ღმერთმა იცის, მაგრამ ვიმეორებ, ყველა რელიგიის ერთმანეთთან გაიგივება ნაწინასწარმეტყველებია წმინდა იოანე ღვთისმეტყველის აპოკალიფსში. თუ ვინმეს სურვილი აქვს, გადაშალოს ეს წიგნი და წაიკითხოს. აქ არის ფილოსოფია 666 რიცხვის – მხეცის რიცხვის. ყველა რელიგიის ერთმანეთთან გაიგივება ადამიანის ამოვარდნაა სულიერი ცხოვრებიდან. თუ ქრისტემ იქადაგა სამ წელიწადნახევარი, ანტიქრისტეს ჟამიც იქნება სამწელიწადნახევარი. ახლა სატანა შეკრულია, მაგრამ სამ წელიწადნახევარი მიეცემა კურთხევა, რომ ამოვიდეს ჯოჯოხეთიდან და ამოიყვანოს, ვინც უნდა. ექნება განსაკუთრებული ძალა. იქნება წამება და ტანჯვა მათი, ვინც მის წინააღმდეგ წავა, ვინც არ მიიღებს მხეცის ნიშანს, ანუ ვინც არ გახდება ეკუმენისტი. ვინც ეკუმენიზმისკენ მიილტვის, ის ნებით თუ უნებლიეთ მხეცის მსახურებისაკენ მიდის. ყველაზე დიდი შირმა ეკუმენიზმის – ეს არის ჰუმანიზმი. საქართველო, ღვთისმშობლის წილხვედრი ქვეყანა, მეტნაკლებად დაცულია ჯერჯერობით, ეკლესიის ძალისხმევით. ეს არ ნიშნავს იმას, რომ ჩვენ ყურადღება მოვადუნოთ. ვეცადოთ გავაცნობიეროთ, რომ ეს საფრთხე ყველას ელის ადრე თუ გვიან და მომავალში საცდური ძალიან დიდი იქნება. ცდუნდებიან მართლებიცო, ნათქვამია, მაგრამ ვინც ბოლომდე მოითმენს, ის გადარჩება. ვეცადოთ, დაღუპვა რომ არ განვიცადოთ, ავერიდოთ ეკუმენიზმს. – მამაო, რომელი რელიგია იქნება ყველა რელიგიის გამაერთიანებელი, ანუ თუ არის ცნობილი, რა რელიგია იქნება საბოლოოდ, ანტიქრისტეს გამეფების შემთხვევაში? – უნდათ, რომ ყველა რელიგიას ერთი საკურთხი გაუკეთონ და ერთ ტრაპეზად გააერთიანონ. გამორჩეული არ იქნება მართლმადიდებლობა თუ სხვა რელიგია. ისეთი დრო იქნება, როცა მართლმადიდებელ მღვდელს ვერ იპოვიან. ჯერ არის დრო, რომ ვისწავლოთ და შევიმეცნოთ, ეს დრო უნდა გამოვიყენოთ. როდის მოვა უფალი, არავინ იცის. ეს რელიგია იქნება არა პიროვნული ღმერთის, არამედ სინამდვილეში ანტიქრისტეს თაყვანისცემა. ანტიქრისტე მოაგვარებს ყველანაირ კონფლიქტს მსოფლიოში, იქნება ძალიან მომხიბვლელი და თვით მართლმადიდებლებსაც აცდუნებს. მისი მოძღვრება იქნება ძალიან დიპლომატიური, აღასრულებს სასწაულებს, ეყოლება თავისი მოციქულები. მოვა ენუქი და ილია. თქვენ ალბათ გახსოვთ, ესენი ის წინასწარმეტყველები არიან, რომლებიც ღმერთმა ცოცხლად აიყვანა ზეცაში. იქადაგებენ ისინი, მოკლულნი იქნებიან და დაყრილები იქნებიან როგორც მკვდრები, რომელთაც ყველა დაინახავს. ყველა დაინახავს ალბათ ტელევიზიის საშუალებით. იქნება მცდარი რელიგიური მოძღვრება, რომელსაც არსად მიჰყავს ადამიანი. ეკუმენიზამი არის მოძღვრება, რომელსაც არსად მიჰყავს ადამიანი, გარდა სიკვდილის გზისა. პოლიტიკური ერთიანობა სხვაა, მაგრამ რელიგიური – სხვა. ხდება დანაწევრება ვითომ გაერთიანების ფსევდონიმით. ეკუმენიზმი ვითომ ერთ რელიგიაზე, ერთ მონოთეიზმზე მიუთითებს, მაგრამ სინამდვილეში აქ იმალება უდიდესი დანაწევრების პოტენციალი. ღვთის წინააღმდეგ ამხედრებული ერთობაა. – დაბოლოს, მამაო, სხვა რელიგიის აღმსარებელთან მეგობრობა და ურთიერთობა თუ გულისხმობს რაიმე კუთხით ეკუმენიზმს და არის თუ არა საერთოდ ცოდვა, სხვა რელიგიის აღმსარებელთან იმეგობრო? – მართლმადიდებლობა სექტა არ არის, რომ ადამიანებს უკრძალავდეს სხვა ადამიანებთან ურთიერთობას, როგორც სექტანტები უკრძალავენ. მართლმადიდებელი ქრისტიანები, ესენი არიან ჯანმრთელი ხალხი, რომლებიც ცდილობენ გაუგონ ყველას, არიან შემწყნარებლები, არიან თვინიერნი და განათლებულნი, რას აკეთებენ, რატომ და რისთვის. მართლმადიდებელი ეკლესიის წარმომადგენლებს არაფერი აქვთ დასამალი და სასირცხვილო, რომ ვიღაცასთან ურთიერთობის ეშინოდეთ და მათთვის ეს დამაბრკოლებელი იყოს, პირიქით – ისინი სხვებს მოაქცევენ. მართლმადიდებლობა სხვებისთვის არის გზის მანათობელი. ჩვენი ეკლესიის კარი ყველასთვის ღიაა, მაგრამ სექტანტებივით კარდაკარ არ დავდივართ. ჩვენ ვურჩევთ, მაგრამ არ ვუბრძანებთ, ჩვენ გადავხრით, მაგრამ არ ვაიძულებთ. თუ ვინმეს სურვილი აქვს, ავუხსნით, რა არის რეალობა. თუ მართლმადიდებელი ქრისტიანი თავის სიმაღლეზე დგას, ის სხვას მაგნიტივით იზიდავს და მოჰყავს თავისკენ. ეკლესია ანათებს, მაგრამ არ წვავს. | |
| კატეგორია: სტატიები | დაამატა: mamao (2012-02-25) | ავტორი: მამა გიორგი (სხირტლაძე) | |
| ნანახია: 2128 | |
შესვლა საიტზე