იტვირთება...
| მთავარი » სტატიები » სიახლენი |
| წმინდა სპირიდონ ტრიმიფუნტელის ხელის მტევანი საქართველოში ჩამოაბრძანეს წმინდა სპირიდონ ტრიმიფუნტელის ხელის მტევანი საქართველოში ჩამოაბრძანეს. წმინდა მღვდელმთავრის სპირიდონ ტრიმიფუნტელის წმინდა ნაწილი კორფუსის მიტროპოლიტმა ნექტარიუსმა ბერძენ სასულიერო პირებთან ერთად ჩამოაბრძანა.
თბილისის აეროპორტში წმინდა ნაწილს და ბერძენ სასულიერო პირებს საქართველოს მართლმადიდებელი ეკლესიის რამდენიმე მღვდელმთავარი დახვდა. სტუმრებს ზუგდიდისა და ცაიშის მიტროპოლიტი გერასიმე მიესალმა. მეუფემ აღნიშნა, რომ წმინდა სპირიდონ ტრიმიფუნტელის წმინდა ნაწილის ჩამობრძანებით საქართველოში დღეს ბედნიერება და სიხარულია. თავის მხრივ, კორფუსის მიტროპოლიტმა კმაყოფილება გამოთქვა, რომ უკვე მეორედ იმყოფება საქართველოში. მეუფე ნექტარიუსმა აღნიშნა, რომ ლოცულობს საქართველოს ეკლესიის მომავლისათვის და კათოლიკოს-პატრიარქის ჯანმრთელობისთვის. მისივე თქმით, კათოლიკოს-პატრიარქმა ილია მეორემ 35 წლის განმავლობაში გააერთიანა ქართველი ერი და მის საფარქვეშ მოაქცია. აეროპორტიდან წმინდა ნაწილი ამ დროისთვის საპატრიარქოში გადააბრძანეს, სადაც სრულიად საქართველოს კათოლიკოს-პატრიარქი სტუმრებს მიიღებს, შემდეგ კი ყოვლადწმინდა სამების ტაძარში გადააბრძანებენ წმინდა ნაწილს, სადაც 28 მაისამდე დაბრძანდება, შემდეგ კი თერჯოლასა და ბოდბეში მიაბრძანებენ. საბერძნეთის მართლმადიდებელი ეკლესიის დელეგაცია საქართველოს 2 ივნისს დატოვებს. | |
| კატეგორია: სიახლენი | დაამატა: mamao (2013-05-25) | ავტორი: ადმინისტრაცია | |
| ნანახია: 1470 | |
შესვლა საიტზე