იტვირთება...
| მთავარი » სტატიები » სტატიები |
თუ გინდა, მეტი მადლი მოგეცეს მოძღვრისგან, ღმერთს უნდა ევედრო... ზოგჯერ ადამიანი კარგავს მოძღვრის ნდობას და პატივისცემას. ფიქრობს, რომ შეცდა მოძღვრის არჩევანში. ადამიანმა ამ შემთხვევაშიც უნდა შესძლოს მართებული გადაწყვეტილების მიღება. დაფიქრდეს უსამართლოდ ხომ არ განსჯის მოძღვარს, ეცადოს დაუმსახურებლად არ ატკინოს მას გული. თუ მოძღვარი რაღაცით აბრკოლებს ადამიანის სულიერ განვითარებას, მაშინ ალბათ სხვა მოძღვარს უნდა მიმართოს, მაგრამ ასეთი რამ წარმოუდგენელია. ადამიანმა, პირველ რიგში თავის თავში უნდა ეძიოს მოძღვრის მიმართ იმედგაცრუების მიზეზი. შეიძლება მას ბრძოლები გაუძლიერდა, საკუთარი ურწმუნოების გამო ფიქრობს, რომ სხვა მოძღვარი სჭირდება. სინამდვილეში მისი შინაგანი მდგომარეობაა იმის მიზეზი, რომ სულიერად გამოგდებული აღმოჩნდა მოძღვრისაგან, იმ საიდუმლოებითი ცხოვრებიდან, რომელსაც მოძღვარი ასწავლის. გამოსავალი არ უნდა ვეძებოთ იმაში, რომ მოძღვარი გამოვცვალოთ. მოძღვარი-მოძღვარია. მასწავლებელი ყოველთვის მზად არის იმისთვის, რომ დაგვეხმაროს, მთავარია ჩვენ ვიყოთ მზად მისი დახმარების მისაღებად. სანამ მოძღვრის გამოცვლაზე ვიფიქრებთ, ჩავიხედოთ საკუთარ სულში, ჩვენს გულში-იქნებ ჩვენშია რამე შესაცვლელი. ზოგს უნდა, მოძღვარმა ყოველდღე სულიერი საჩუქრები უძღვნას, სულიერი კაპიტალი აგროვებინოს, მისი ეკლესიაში სიარული კი არ იყოს მექანიკური, მისი დამოკიდებულება რწმენისადმი-უსიყვარულო. ზოგს უნდა მოძღვრისგან ყველაფერი ერთბაშად მიიღოს. ეს კი შეუძლებელია. თუ გინდა, მეტი მადლი მოგეცეს მოძღვრისგან, ღმერთს უნდა ევედრო. ასეთი იმედგაცრუების უმთავრესი მიზეზი ჩვენი შინაგანი დაბრკლება და შიშია, რომლის გადალახვაც უნდა შეგვეძლოს. | |
| კატეგორია: სტატიები | დაამატა: mamao (2012-12-21) | ავტორი: მამა გიორგი სხირტლაძე | |
| ნანახია: 1019 | |
შესვლა საიტზე